اے بی ڈویلیئرز نے بنگلا دیشی ٹیم دا بُرا حال کر دتا‘ 104گینداں اُتے 176سکور کر لئے

پارل(پاکستان پوائنٹ نیوز18۔اکتوبر2017ء) جنوبی افریقی بلے باز اے بی ڈویلیئرز نے دوجے ون ڈے میچ وچ بنگلا دیشی ٹیم دا حال بُرا کر دتا۔

اے بی ڈویلیئرز دے 176سکور بدلے جنوبی افریقہ نے بنگلا دیش نوں جِت لئی 353سکور دا ٹارگٹ دے دتا اے۔ تفصیل مطابق بنگلا دیش نے ٹاس جِت کے فیلڈنگ کرن دا فیصلا کیتا۔

جنوبی افریقی اوپنرز نے 90رنز دا آغاز کیتا تے باقی کسر اے بی ڈویلیئرز نے کڈھ دتی، جہناں نے دھواں دار

بلے بازی کردے ہوئے صرف 104گینداں اُتے 7چھکیاں تے 15چوکیاں دی مدد نال 176سکور دی اننگز کھیڈی۔

ہور بلے بازاں وچ ہاشم آملا نے 85‘ کوینٹن ڈی کوک نے 46‘ جے پی ڈومنی نے 30تے فرحان بہار دین نے 7سکور کیتے جدکہ کپتان فاف ڈوپلیسی تے پریٹوریس بغیر کوئی سکور بنائے آؤٹ ہو گئے۔

بنگلا دیش ولوں روہیل حسین سبھ توں کامیاب باؤلر رہے جہناں نے 4کھڈاریاں نوں واپس گھلیاجدکہ شکیب الحسن نے دو وکٹاں لئیاں۔