اسلام آباد(پاکستان پوائنٹ نیوز27۔اگست 2016ء) بین الاقوامی ریٹنگ ایجنسی موڈیز نے آکھیا اے کہ پاک چین اقتصادی راہداری منصوبے نال توانائی بحران وچ کمی آوے گی، جہدے نتیجے وچ حکومت ولوں شروع کیتے گئے منصوبیاں نال صنعتی شعبے دی پیداوار وچ ہور وادھا ہووے گا جدکہ بجٹ 2016-17 وچ کیتے گئے اقدامات نال صنعتی شعبا ترقی کرے گا۔
تفصیل دے مطابق عالمی ریٹنگ دے ادارے موڈیز ولوی جاری تازہ رپورٹ
وچ آکھیا گیا اے کہ پاک چین اقتصادی راہ داری منصوبے پاروں حکومت پاکستان ولوں توانائی دے مختلف منصوبیاں اُتے تیزی نال کم جاری اے، جہدے پاروں آن والے ویلے وچ توانائی بحران اُتے قابو پا لِتا جاوے گا۔
موڈیز دا کہنا اے کہ بجٹ 2016-17 وچ برآمدی شعبے نوں زیرو ریٹڈ ٹیکس کرن تے مشیناں دی ڈیوٹی فری درآمدات ورگے اقدم پاروں صنعتاں دی پیداواری لاگت وچ کمی تے برآمدات وچ وادھا ہووے گا۔