نواز شریف دی نااہلی دے فیصلے نے پاکستانی معیشت نوں نقصان پہنچایا: طلال چودھری

اسلام آباد(پاکستان پوائنٹ نیوز13۔اکتوبر2017ء) وزیر مملکت برائے داخلا طلال چودھری نے آکھیا اے کہ معیشت بارے پریشان ہون والیاں نوں جاننا چاہیدا اے کہ معیشت دی تباہی محمد نواز شریف دی نااہلی دے فیصلے دی وجہ توں ہوئی اے۔

پاکستان تحریک انصاف دے چیئرمین عمران خان و سابق صدر پرویز مشرف قانون اُتے عمل درآمد نہ کرن دی سوچ دا ناں اے۔

ایہناں خیالاں دا اظہار اوہناں نے جمعے نوں احتساب عدالت دے باہر پرچا کاراں نال گل بات کردے ہوئے کیتا۔ طلال چودھری نے آکھیا کہ جو قانون دی پاسداری کرنا چاہندے نیں اوہ عملن کر کے وکھاندے

نیں۔

سابق وزیر اعظم محمد نواز شریف نے تحفظات تے وزیر اعظم دے طور اُتے استثنا مگروں نہ صرف سپریم کورٹ وچ بلکہ کئی تحفظات ہون مگروں وی قانون دی پاسداری کیتی۔

اوہناں نے آکھیا کہ عمران خان تے پرویز مشرف ایہ جوڑی اک سوچ دا ناں اے’ ایہ قانون دی حکمرانی دی گل کردے نیں پر آپ عملدرآمد نہیں کردے ایہناں نوں دہشت گردی دی عدالت بلائے یاں الیکشن کمیشن ایہ جان نوں تیار نہیں، جے سول کورٹ بلائے تے آکھدے نیں کہ چھوٹی عدالت وچ جانا اوہناں دی توہین اے۔

طلال چودھری دا کہنا سی کہ قانون سبھ لئی برابر ہونا چاہیدا۔