سینیٹ: کاغذات نامزدگی فارم وچ ختم نبوت دے حوالے نال شق دی اصل حالت وچ بحالی بارے بل وڈی رائے نال منظور

اسلام آباد(پاکستان پوائنٹ نیوز10-۔اکتوبر2017ء) قومی اسمبلی مگروں سینیٹ نے وی کاغذات نامزدگی فارم وچ ختم نبوت دے حوالے نال شق نوں اصل حالت وچ بحال کرن دا انتخابات (ترمیمی) بل 2017 سانجھی رائے نال منظوری کر لیا اے۔

منگل نوں وزیر قانون زاہد حامد نے تحریک پیش کیتی کہ انتخابات (ترمیمی) بل 2017قومی اسمبلی دی منظور کردہ صورت وچ زیر غور لیاندا جائے۔

بل اُتے گل بات کردے ہوئے وزیر قانون نے آکھیا کہ انتخابی اصلاحات کمیٹی نے تن سال وچ اک تواریخی بل تیار کیتا تے 40سال مگروں انتخابی قانون دا جائزہ لے کے کوشش کیتی گئی کہ سانجھی رائے نال بل تیار کیتا جائے۔

اوہناں

نے آکھیا کہ افسوس ایس گل اُتے اے کہ ایس ساری محنت مگروں اک نقطہ باقی رہ گیا جہدا اسیں تصور وی نہیں کر سکدے سی۔

ختم نبوت بارے حلف نامہ دے حوالے نال جیویں ای اک تاثر پیدا ہویا فوری طور اُتے بل تیار کے قومی اسمبلی توں اوہدی منظوری لِتی گئی۔

ایس موقعے تے سینیٹر سراج الحق نے آکھیا کہ اسیں ایس ترمیمی بل دی حمایت کردے آں پر اسیں ایہ وی چاہندے آں کہ انکوائری کمیٹی وچ اپوزیشن نوں نمائندگی ملنی چاہیدی۔

سینیٹر حافظ احمد اللہ نے آکھیا کہ عقیدہ ختم نبوت ساڈے ایمان دا حصہ اے، عقیدہ ختم نبوت اُتے حملا کرن والا پنی موت نوں آپ دعوت دیوے گا۔