’قرض اتارو ملک سنوارو‘ مہم لئی درخاست:22ہزار 8سو کھرب دیاں تفصیلاں وی عدالت وچ پیش

لاہور(پاکستان پوائنٹ نیوز02۔اکتوبر2017ء) عدالت نوں جو درخاست پیش کیتی گئی اے اوہدے وچ موقف اپنایا گیا اے کہ ’قرض اتارو ملک سنوارو، مہم دیاں تحقیقات ہونیاں چاہیدیاں ، ایہدے وچ 22ہزار 8سو کھرب دیاں تفصیلاں فراہم کیتیاں گئیاں نیں۔

قومی اخبار مطابق ایہ رقم چترال دے تاجر عبداللہ دی نشان کارن اُتے ہیریاں دی نیلامی راہیں حاصل کیتی گئی اے۔ چترال دے تاجر عبداللہ نے نواز شریف نوں چترال وچ 22ہزار 8سو کھرب مالیت

دے ہیریاں دی نشان کاری کیتی سی۔

ایس سلسلے وچ نواز شریف دے گھر اُتے اجلاس ہویا۔ نواز شریف نے اپنے داماد کیپٹن (ر) صفدر نوں مقامی تاجر نال چترال گھلیا۔

چترال توں ہیریاں دے چھ صندوق لیاندے گئے، ہیریاں دی نیلامی دی کارروائی نواز شریف دے گھر لاہور ماڈل ٹاؤن وچ ہوئی۔

درخاست وچ سیکرٹری داخلا‘ ڈائریکٹر انٹرپول‘ ڈی جی ایف آئی‘ نواز شریف‘ پرویز مشرف‘ آصف زرداری تے نیب حکام نوں فریق بنایا گیا اے۔