لاہور(پاکستان پوائنٹ نیوز21۔ستمبر2017ء) وزیر اعلا پنجاب نے ڈی جی خان تے مظفر گڑھ وچ وی میٹرو چلان دا اعلان کیتا اے۔
تفصیل مطابق وزیر اعلا پنجاب نے ڈی جی خان تے مظفر گڑھ وچ وی میٹرو چلان دا اعلان کیتا اے۔ شہباز شریف نے ڈیرہ غازی خان تے مظفر گڑھہ وچ ڈیرہ غازی خان توں مظفر گڑھ تیکر دو پاسی سڑک دا افتتاح کرن مگروں وڈے جلسے نال سرائیکی وچ خطاب کیتا۔
وزیر اعلا دا اپنے خطاب وچ کہنا سی کہ ایہ ڈسو تہاڈی ترقی جاری رہوے
یاں رک ونجے،تساں وڈی سڑک دی تعمیر تے خش تھیویو‘ انج دے منصوبے اور وی شروع کر ساں۔
جہدے اُتے جلسے وچ موجود لوکاں نے خشی دا وکھالا کردے ہوئے تالیاں ماریاں۔ وزیر اعلا نے ہور آکھیا کہ اگلے الیکشن وچ تساں خدمت دا موقع دتا تاں ملتان آلی میٹرو بس ڈیرے توں مظفر گڑھ وچ وی چلا چھوڑاں گا۔
وزیر اعلا پنجاب دا ایس موقعے تے لوکاں نال گل بات کردے ہوئے ہور کہنا سی کہ تہاکوں ڈیکھ کے میڈی ساری تھکاوٹ لہہ گئی اے۔