لاہور(پاکستان پوائنٹ نیوز22۔اگست 2016ء) اوگرا نے گیس دیاں قیمتاں وچ 30 رُپئے فی یونٹ کمی دا فیصلا کر لِتا، سمری منظوری لئی حکومت نوں گھل دِتی جاوے گی جدکہ سوئی نادرن گیس کمپنی دے ایم ڈی نے ایل این جی دی فی یونٹ قیمت وچ 75 رُپئے وادھے لئی سمری اوگرا نوں دِتی اے۔
پیر دے دیہاڑے لاہور وچ میڈیا نال گل بات کردے ہوئے اوگرا دے چیئر پرسن اعظم عادل خان نے آکھیا کہ عالمی مارکیٹ وچ تیل دیاں قیمتاں وچ کمی پاروں اوگرا نے فیصلا کیتا
اے کہ گیس دیاں قیمتاں وچ فی یونٹ 30 پیسے کمی کیتی جاوے گی جہدے لئی اوگرا ولوں حکومت نوں سمری گھلی جا رہی اے۔
اک سوال دے جواب وچ اوہناں دا کہنا سی کہ اسیں ایل این جی دی قیمت وچ 75 رُپئے فی یونٹ وادھے دی درخاست کیتی اے جدکہ چالو ورھے 5 لکھ گیس میٹر لان دا ٹارگٹ رکھیا اے۔
اوہناں دا کہناسی کہ پچھلے ورھے اسیں اپنے ٹارگٹ نوں پورا نہیں کر سکے۔ اوہناں نے آکھیا کہ سوئی نادرن گیس کمپنی دے لائن لائسز وچ بتھیری کمی ہوئی اے۔