اسلام آباد(پاکستان پوائنٹ نیوز22۔اگست 2016ء) وفاقی داخلا وزارت دے ترجمان نے سابق سفیر حسین حقانی دے پاسپورٹ روکے جان دیاں خبراں نوں رد کردے ہوئے آکھیا اے کہ حسین حقانی ولوں پاسپورٹ دے اجراء دی رخاست ملدے ای مِتھے ویلے وچ پاسپورٹ جاری کر دِتا گیا سی۔
پیر دے دیہاڑے میڈیا رپورٹ اُتے وضاحتی بیان دیندے ہوئے داخلا وزارت دے ترجمان دا کہنا سی کہ
سابق سفیر حسین حقانی دے پاسپورٹ نوں روکے جان دیاں خبراں وچ کوئی صداقت نہیں، حسین حقانی ولوں پاسپورٹ دے اجراء دی درخاست ملدے ای پاسپورٹ ڈائریکٹوریٹ ولوں مِتھے ویلے وچ پاسپورٹ جاری کر دِتا گیا سی جدکہ رائج طریقے دے مطابق پاسپورٹ واشنگٹن وچ موجود پاکستانی سفارت خانے گھل دِتا گیا سی تے ایس حوالے نال داخلا وزارت نے کوئی دیر نہیں کیتی۔