لاہور(پاکستان پوائنٹ نیوز26۔اگست2017ء) پاکستان تحریک انصاف دے چیئرمین عمران خان نے آکھیا اے کہ حکومت دے وزیر بار بار ہسپتال اُتے تنقید کردے نیں، سیاسی مخالف شوکت خانم ہسپتال اُتے کیوں حملا کر رہے نیں، جے کرپشن ہوئی تے تحقیقات کران۔
تفصیل مطابق لاہور وچ تقریب نال خطاب کردے ہوئے عمران خان نے شوکت خانم ہسپتال دی فنڈنگ بارے الزاماں دا دفاع کرن دے نال نال حکومت نوں تنقید دا نشانہ بنایا۔
عمران خان نے وفاقی حکومت نوں شوکت خانم ہسپتال دے سارے اکاؤنٹس
چیک کرن دی آفر کیتی۔ اوہناں نے آکھیا کہ نیب سنے ہور وفاقی ادارے حکومت ہیٹھ نیں پر تحقیقات دی بجائے الزام لائے جا رہے نیں۔
عمران خان دا کہنا سی کہ جے اوہ وفاقی حکومت وچ ہوندے تے کرپشن کرن والے خیراتی ادارے نوں نہ چھڈدے۔اوہناں نے آکھیاکہ ایل ڈی اے تے واپڈ لوکائی دی فلاح دے منصوبیاں وچ اوکڑ بن رہیا اے۔
ہسپتال دے منصوبیاں اُتے تنقید کرن والے لوکائی دے دوست نہیں دشمن نیں۔ ایس موقعے تے عمران خان نے کلثوم نواز دی صحت لئی دعا وی کیتی۔