لاہور(پاکستان پوائنٹ نیوز22۔اگست2017ء) شریف خاندان خلاف تحقیقات دے سلسلے وچ شریف خاندان دے وکیل نیب ساہمنے پیش ہو گئے۔
نواز شریف ولوں نیب وچ جواب جمع کروا دتا گیا اے۔ تفصیل مطابق سابق وزیر اعظم میاں محمد نواز شریف نے اپنے تحریری جواب وچ آکھیا اے کہ اوہ نیب ساہمنے پیش نہیں ہون گے۔
نواز شریف ولوں تحریری جواب وچ نیب ولوں کیتی جان والے انکوائری دے اقدام نوں چیلنج کر
دتا گیا اے۔ تحریری جواب وچ آکھیا گیا اے کہ نیب جس قانون تحت کارروائی کر رہیا اے اوہ ضابطے دے خلاف اے۔
انکوائری دا اختیار صرف چیئرمین نیب کول اے ۔پیشی دوران نواز شریف، حسن نواز تے حسین دے وکیلاں ولوں جواب جمع کروائے گئے۔
مریم صفدر تے اسحاق ڈار ولوں وی جواب جمع کروا دتے گئے نیں۔ ایس توں وکھ لندن فلیٹس دے حوالے نال وی تفصیلی جواب نیب نوں جمع کروا دتا گیا اے۔