ملتان (پاکستان پوائنٹ نیوز19۔اگست 2016ء) پنجاب دے مختلف شہراں وچ بالاں دے اغوا دے کیسز سامنے آ رہے نیں جہدے پاروں لوکائی وچ ڈاڈھا خوف پایا جاندا اے۔
جہدے تحت شہری پہلے توں زیادا چوکنے ہو کے ہر آندے جاندے بال تے اوہدے نال موجود بندے یاں سوانی نوں شک دی نظر نال ویکھدے نیں۔
ملتان وچ وی شہریاں نے اغوا کار ہون دے شبے وچ اک ذہنی معذور
سوانی نوں تشدد کر کے ہلاک کر دِتا۔تفصیل دے مطابق ملتان دے علاقے وچ اک ذہنی معذور سوانی اک بال دے نیڑیوں لنگھ رہی سی جہدے اُتے شہریاں نے مبینا اغوا کار سمجھ کے سوانی نوں کُٹنا شروع کر دِتا جدکہ شہریاں دے ڈاڈھے تشدد پاروں ذہنی طور اُتے معذور سوانی ہلاک ہو گئی جوکہ ملتان وچ وستی ملوک دے علاقے اڈا بلی والا دی رہائشی سی۔