ضمنی الیکشن این اے 120:سابق وزیر اعظم محمد نواز شریف دے کاغذات نامزدگی جمع

لاہور(پاکستان پوائنٹ نیوز12۔اگست2017ء) مسلم لیگ (ن) دے قائد و سابق وزیر اعظم محمد نواز شریف نے ضمنی الیکشن این اے 120لئی کاغذات نامزدگی جمع کروا دتے نیں، (ن) لیگ نے کلثوم نواز دے کاغذات نامزدگی وی جمع کروائے نیں۔

میڈیا رپورٹس مطابق ضمنی الیکشن این اے 120لئی کاغذات نامزدگی جمع کروان دی اج آخری تاریخ سی۔ اج آخری دنن کاغذات نامزدگی سابق وزیر اعظم نواز شریف دے جمع کروائے گئے نیں۔

کاغذات نامزدگی (ن) لیگی

رہنما ڈاکٹر آصف کرمانی ولوں جمع کروائے گئے نیں۔ نواز شریف نے قانونی ماہرین نال مشورے مگروں پارٹی رہنماواں نوں اوہناں دے کاغذات نامزدگی جمع کروان دی ہدایت کیتی پر کاغذات نامزدگی دی پُن چھان دوران ایہ سوال ساہمنے آئے گا کہ آئین دے تحت نواز شریف الیکشن لڑ سکدے نیں یاں نہیں۔

یاد رہوے کہ وزیر اعظم نواز شریف نوں سپریم کورٹ نے پاناما کیس دوران آئین دے آرٹیکل 62ون (ایف) دے تحت نااہل کیتا سی۔