صوفیانہ کلام گانابہت مشکل اے، ایہ ہر کسے دے وس دی گل نہیں: صنم ماروی

لاہور(پاکستان پوائنٹ نیوز18۔اگست 2016ء) گلوکارا صنم ماروی نے آکھیا اے کہ صوفیانہ کلام گانا بہت مشکل کم اے، ایہ ہر کسے دے وس دی گل نہیں، گلوکاراں نوں اپنے گائیکی دے انداز نال صوفیانہ کلام دا حق ادا کرنا چاہیدا۔

جمعرات دے دیہاڑے گل بات کردے ہوئے صنم ماروی دا کہنا سی کہ ایہ خدا دی دین ہوندی اے کہ اوہ کروڑاں لوکاں وچوں کُجھ لوکاں نوں صوفیانہ کلام لئی چُندا اے تے پاکستان وچ بہت گھٹ اِنج دے گلوکار نیں جو صوفی بزرگاں دے کلام نوں خوبصورتی نال پیش کر سکدے نیں ۔

صنم ماروی نے آکھیا کہ گلوکارا

عابدہ پروین دی بہت وڈی چاہیوان آں جو صوفیانہ کلام نوں ایس طرحاں پیش کردیاں نیں کہ سُنن والیاں اُتے سحر طاری ہو جاند ااے۔

اوہناں نے آکھیا کہ اقبال باہو (مرحوم) اک اجیہے گلوکار سن جہناں نے حضرت کلام باہو دا کلام پیش کر کے بھرپور ناں کمایا۔

اوہناں نے آکھیا کہ میرا بنیادی تعلق سندھ نال اے پرمیرا گھر لاہور وچ اے پر زیادہ تر صوفیانہ کلام دے سلسلے وچ سندھ آنا جانا لگا رہندا اے تے اُنج وی میرے زیادہ تر پروگرام حیدر آباد، سیون شریف تے سکھر سنے پورے سندھ وچ ہوندے نیں۔