تحریک انصاف دے کارکناں نے نعریاں وچ مینوں گالھاں کڈھیاں: مخدوم جاوید ہاشمی
ملتان(پاکستان پوائنٹ نیوز03۔اگست 2017ء) سینئر سیاستدان مخدوم جاوید ہاشمی نے آکھیا اے کہ تحریک انصاف دے کارکناں نے نعریاں وچ مینوں گالھاں کڈیاں‘ احتجاج کرن والیاں نوں اپنے بال سمجھ کے معاف کرنا واں‘ قانونی کارروائی کردا تے اوہناں دا مستقبل خراب ہو جاندا۔
تفصیل مطابق پچھلے دیہاڑے سینئر سیاستدان مخدوم جاوید ہاشمی نے ملتان پریس کلب وچ پریس کانفرنس کیتی تے تحریک انصاف دے کارکناں نے جاوید ہاشمی دی پریس کانفرنس دوران احتجاج کیتا تے اوہناں نوں جُتیاں وی مارن
دی کوشش کیتی گئی جہدے تے سینئر سیاستدان مخدوم جاوید ہاشمی نے تحریک انصاف دے احتجاجی کارکناں لئی ویڈیو پیغام وی جاری کر دتا اے۔
اپنے پیغام وچ جاوید ہاشمی دا کہنا سی کہ تحریک انصاف دے کارکناں نے نعریاں وچ گالھاں کڈھیاں ۔احتجاج کرنا ہ ہر پارٹی دا آئینی حق اے پر اخلاقیات نوں نہیں بھلنا چاہیدا۔
جاوید ہاشمی دا کہنا سی کہ احتجاج کرن والے کارکن میرے وی بال نیں میں اوہناں نوں معاف کرنا واں۔قانونی کارروائی کردا تے اوہناں دا مستقبل خراب ہو جاندا۔