پنچایت دا اک ہور فیصلا‘ پسند دے ویاہ تے 10ورھیاں دی بالڑی نوں ونی کر دتا گیا
لیہ(پاکستان پوائنٹ نیوز27۔جولائی 2017ء) پچھلے دِنا ای ملتان وچ پنچایت دا اک مذمت جوگ فیصلا ساہمنے آیا جتھے راجا پور وچ پنچایت نے زیادتی دے بدلے زیادتی کرن دا حکم سنایا سی۔
پرہن لیہ وچ وی اجیہا ای اک کیس ساہمنے آیا اے جتھے بھرا دے پسند دے ویاہ کرن تے پنچایت نے مُنڈے دی بھین نوں ونی کرن دا فیصلا سنایا۔
تفصیل مطابق عثمان نے رقیہ نال پسند دا ویاہ کیتا سی جہدے تے کُڑی دے گھر
والیاں پنچایت وچ فیصلا کروان دا مطالبا کیتا۔
معاملا پنچایت وچ پہنچیا تے پنچایت دے سربراہ نے مُنڈے دی 10ورھیاں دی بھین نوں ونی کرن دا فیصلا سنا دتا۔ چائلڈ پروٹیکشن بیورو نے پنچایت دے ایس فیصلے نوں مذمت جوگ تے نا قبول جوگ قرار دیندے ہوئے آکھیا اے کہ ایس قسم دیاں پنچائیتاں نوں چھیتی ختم ہونا چاہیدا۔
پولیس نے نکاح خواں نوں گرفتار کر کے 16بندیاں خلاف درج کر لیا اے۔