بلاول بھٹو دی جیالیاں نوں ضلعی ہیڈ کوارٹرز وچ حکومت مخالف ریلیاں کڈھن دی ہدایت ایس توں پہلاں ہر پاکستانی ریڈ کارڈ وکھائے نواز شریف اقتدار توں وکھ ہو جائے: میڈیا نال گل بات
کراچی(پاکستان پوائنٹ نیوز15۔جولائی2017ء) پیپلز پارٹی دے چیئرمین بلاول بھٹو زرداری نے پارٹی کارکناں نوں ضلعی ہیڈ کوارٹرز وچ احتجاجی ریلیاں کڈھن دی ہدایت کر دتی، پارٹی ورکرز نواز شریف دے استعفے تیکر گوا نواز گو دے نعرے لاندے رہن گے۔
اوہناں نے اج میڈیا نال گل بات کردے ہوئے آکھیا کہ نواز شریف کول استعفا دین توں سوا کوئی دوجا راہ نہیں۔ ایس توں پہلاں ہر پاکستانی ریڈ
کارڈ وکھائے نواز شریف اقتدار توں وکھ ہو جائے۔
اوہناں نے آکھیا کہ نواز شریف اپنے خلاف ثبوتاں نال بھریا ڈبا ساہمنے آن اُتے استعفے دے وعدے توں مکر گئے۔ بلاول بھٹو نے آکھیا کہ نواز شریف میگا کرپشن لُکان لئی اداریاں نال محاذ آرائی توں پرہیز کرن۔
اوہناں نے پارٹی ورکراں نوں ہدایت کیتی کہ وزیر اعظم دے استعفے خلاف ہر ضلعی ہیڈ کوارٹرز وچ ریلیاں کڈھیاں جان۔