جوڈیشل بغاوت دی اصطلاح لیاندی جا رہی اے، چیلنج کرنا واں کہ پوری قوم تیار اے: عمران خان آکھدے نیں کہ اک خاندان خلاف سازش ہوئی، انڈین ٹریجڈی فلماں وانگ اتھر و وگائے جا رہے نیں،تاثر دتا جا رہیا اے کہ وڈا ظلم ہو گیا جدکہ ایہ ساڈا مسئلا نہیں اے، کیہ ملزم اپنی سزا دا فیصلا آپ کردا اے؟:میڈیا نال گل بات

اسلام آباد(پاکستان پوائنٹ نیوز06۔جولائی2017ء) تحریک انصاف دے چیئرمین عمران خان دی صدارت ہیٹھ پارٹی قیادت دا مشاورتی اجلاس ہویا۔

اجلاس وچ ملک دی سیاسی صورتحال تے آن والی ویلے دی حکمت عملی بنان بارے وچار وٹاندرا کیتا گیا۔ میڈیا رپورٹس مطابق عمران خان دی صدارت ہیٹھ پاناما کیس تے جے آئی ٹی وچ شریف فیملی دی پیشی تے اوہناں دے بیاناں دا جائزا لتا گیا۔

ایسے طرحاں اجلاس وچ سپریم کورٹ تے الیکشن کمیشن وچ پارٹی دے سنوائی ہیٹھ مقدمیاں تے حکومت نوں ٹف ٹائم دین دی حکمت عملی اُتے وی غور کیتا گیا۔

اجلاس مگروں میڈیا نال گل بات کردے ہوئے عمران خان نے آکھیا کہ سارے آکھدے نیں کہ اک خاندان خلاف سازش ہوئی۔ انڈین ٹریجڈی فلماں وانگ اتھر و وگائے جا رہے نیں تے ٹشو نال اتھرو صاف کیتے جا رہے نیں۔

تاثر دتا جا رہیا اے کہ وڈا ظلم ہو گیا جدکہ ایہ ساڈا مسئلا نہیں اے۔ اوہناں نے آکھیا

کہ پاناما دا انکشاف موزیک فونسیکا دے کمپیوٹرز ہیک کرن نال ہویا۔

فیر پاناما پیپرز پوری دنیا وچ کارروائی شروع ہوئی۔ ایسے طرحاں ویب سائٹ اُتے نواز شریف تے اوہناں دے خاندان دیاں تصویراں سن۔

جہدے اُتے میاں صاحب نے کمیشن بنان دا آکھیا۔ کیہ ملزم اپنی سزا دا فیصلا آپ کردا اے؟ خواجا آصف نے آکھیا کہ میاں صاحب لوک بھل جان گے۔

1998ءوچ اوہناں دے فلیٹس باہر احتجاج کیتا سی کہ ایہ منی لانڈرنگ نال خریدے گئے۔ اودوں دے فلیٹ ایہناں کول نیں پر ایہ من نہیں رہے۔

عمران خان نے آکھیا کہ جے آئی ٹی نوں دھمکیاں دتیاں گئیاں، خریدن دی کوشش کیتی گئی۔ اک چوہے نے آکھیا کہ اوہناں دے بال ایتھے نہیں رہ سکن گے۔

ہن آکھدے نیں کہ سازش ہو رہی اے۔ ناں لوو کہ کیہ فوج یاں عدالت سازش کر رہی اے۔ عمران خان دا کہنا سی کہ سِدھا جہیا جواب اے کہ فلیٹس کس دی ملکیت نیں، منی ٹریل وکھا دیو۔