پاکستان نے 5 ورھیاں وچ 19 ارب ڈالر بیرونی قرضا لِتا آئی ایم ایف توں 2014 توں 2016 تک 5 ارب 76 کروڑ 80 لکھ ڈالر قرضا لِتا

اسلام آباد (پاکستان پوائنٹ نیوز15۔اگست 2016ء) وفاقی حکومت ولوں 5 ورھیاں دے دوران عالمی بنکاں تے عالمی مالیاتی اداریاں ولوں مجموعی طور تے 14 ارب 16 کروڑ 33 لکھ امریکی ڈالر توں ودھ دے قرضے لِتے جان دا انکشاف ہویا اے جہدے وچوں پچھلے 5 ورھیاں دے دوران عالمی بنکاں توں 14 ارب ڈالر توں ودھ جدکہ آئی ایم ایف توں 3 ورھیاں وچ 5 ارب 76 کروڑ 90 لکھ ڈالر قرضا لِتا گیا۔

دستاویزات دے مطابق حکومت ولوں سبھ توں زیادا قرضا ورلڈ بنک (آئی ڈی اے) توں 5 ارب 3 کروڑ 96 لکھ لِتا گیا، ایشیائی ترقیاتی بنک توں

3 ارب 34 کروڑ 23 لکھ ڈالر، اسلامی ترقیاتی بنک توں 68 کروڑ 83 لکھ، ورلڈ بنک توں 45 کروڑ 89 لکھ، نور بنک دی سربراہی وچ بنکاں دے کنسورشیم توں 44 کروڑ ڈالر، سٹینڈرڈ چارٹرڈ بنک (لندن) توں 27 کروڑ 26 لکھ ڈالر، دوبئی اسلامی بنک 7 کروڑ تے ای سی او ٹریڈ بنک ولوں6 کروڑ 50 لکھ ڈالر دا قرضا لِتا گیا۔

یاد رہوے کہ حکومت نے آئی ایم ایف توں 2014 توں 2016 تیکر 5 ارب 76 کروڑ 80 لکھ ڈالر قرضا لِتا اے جہدے وچوں 2014 وچ 1 ارب 65 کروڑ 30 لکھ، 2015 وچ دو ارب 60 کروڑ 70 لکھ تے 2016 وچ اک ارب 50 لکھ 80 ہزار ڈالر دا قرضا لِتا۔