اسلام آباد(پاکستان پوائنٹ نیوز21۔جون2017ئ) ڈاکٹر شاہد مسعود نے نجی ٹی وی چینل اُتے اپنے پروگرام وچ گل بات کردے ہوئے دسیا کہ آخر جے آئی ٹی پاناما کیس وچ بیان ریکارڈ کروان لئی مریم نواز نوں کیوں نہیں بُلا رہی؟ اوہناں نے آکھیا کہ پچھلے دِنا ای جو تصویر والا کھیڈ چلیا اے ایہدے اُتے عدالتاں نے بڑی چنگی گل کیتی اے۔
پہلے حسین نواز دی تصویر لیک ہوگئی تے ہن مریم نواز نے سعودی عرب توں اپنی تصویر گھلی اے۔ اوہناں دیاں عمرہ کردے ہوئے زبردست تصویراں آئیاں نیں۔
نواز شریف
دیاں وی تصویراںساہمنے آئیاں نیں پر میں کیپٹن صفدر نوں بھال رہیا واں۔ اوہناں نے دسیا کہ ایس دورے اُتے عرفان صدیقی وی لوکائی دے پیسے اُتے وزیر اعظم نال موجود نیں۔
جے آئی ٹی بارے ڈاکٹر شاہد نے آکھیا کہ جے آئی ٹی نے ہن تیک نہ نواز شریف دی والدہ نوں تے نہ ای مریم نواز نوںسدیا اے تاں جے ایہ لوک ایہ نہ آکھ دین کہ جے آئی ٹی وچ سوانیاں نوں سَدیا گیا۔
ڈاکٹر شاہد مسعود نے آکھیا کہ میرا خیال اے کہ جے آئی ٹی مریم نواز نوں نہیں سَدے گی تے اُنج ای فیصلا دے دیوے گی۔