70ورھیاں دی تواریخ وچ پہلی وار چُنے گئے وزیر اعظم تے وزیر ااعلا نے ریاستی ادارے ساہمنے پیش ہو کے نواں باب لکھیا: شہباز شریف رمضان دی قسم کھا کے آکھنا واں کدی سرکاری خزانے وچ ہیر پھیر نہیں کیتا بلکہ قومی خدمت کیتی تے آن والے ویلے وچ وی کردے رہواں گے، الزام لان والے دسن کہ ساڈے کہڑے منصوبے اُتے کرپشن دا الزام سی: میڈیا نال گل بات

اسلام آباد(پاکستان پوائنٹ نیوز17۔جون2017ء) وزیر اعلا پنجاب میاں شہباز شریف نے آکھیا اے کہ ملک دی 70ورھیاں دی تواریخ وچ پہلی وار چُنے گئے وزیر اعظم تے صوبے دے وزیر اعلا نے ریاستی ادارے ساہمنے پیش ہو کے نواں باب لکھیا، پیپلز پارٹی تے مشرف دور وچ ساڈے احتساب ہوئے پر پائی دی کرپشن ثابت نہ ہو سکی، رمضان دی قسم کھا کے آکھنا واں کدی سرکاری خزانے وچ ہیر پھیر نہیں کیتا بلکہ قومی خدمت کیتی تے آن والے ویلے وچ وی کردے رہواں گے، الزام لان والے دسن کہ ساڈے کہڑے منصوبے اُتے کرپشن دا الزام سی۔

اوہناں نے ایہناں خیالاں دا اظہار ہفتے نوں جوڈیشل کمپلیکس باہر جے آئی ٹی وچ پیشی مگروں میڈیا نال گل بات کردے ہوئے کیتا۔

وزیر اعلا پنجاب نے آکھیا کہ 70ورھیاں دی تواریخ

وچ پہلی وار چُنے گئے وزیر اعظم تے وزیر ااعلا اُتے ریاستی ادارے ساہمنے پیش ہو کے نواں باب لکھیا اے۔

حالانکہ سارے جاندے نیں جمہوریت اُتے شب خون مارن والیاں دا عدالتاں نال کیہ رویہ سی۔ شہباز شریف نے آکھیا کہ مینوں لَک دا پرانا روگ اے پر میں بہانا بنا کے راولپنڈی دے کسے ہسپتال وچ داخل ہون دی کوشش نہیں کیتی بلکہ جے آئی ٹی وچ پیش ہو کے پاناما دے حوالے نال اپنا تفصیلی بیان ریکارڈ کروا دتا۔

ایہ کیس ساڈے خلاف کرپشن تے منی لانڈرنگ دا نہیں اے بلکہ ایہ ایس لئی بنایا گیا تاں جے ساڈے ذاتی کاروبار نوں نقصان پہنچایا جائے۔

اوہناں نے آکھیا کہ میرے والد تے اوہناں دے بھراواں نے 30دے دہاکے وچ محنت مزدوری کیتی تے محنت نال اپنی تھاں بنائی۔