نیشنل ایکشن پلان بارے آرمی چیف دے بیان نال اتفاق نہیں کردا

لاہور (پاکستان پوائنٹ نیوز13۔اگست 2016ء) پنجاب دے صوبائی وزیر قانون رانا ثناء اللہ نے آکھیا اے کہ میں نیشنل ایکشن پلان بارے آرمی چیف جنرل راحیل شریف دے بیان نال اتفاق نہیں کردا۔

قومی اخبار وچ چھپن والی رپورٹ دے مطابق پنجاب دے وزیر قانون رانا ثناء اللہ نے اپنے اک بیان وچ آکھیا اے کہ پنجاب وچ نیشنل ایکشن پروگرام سستی دا شکار نہیں اے۔

اوہناں نے آکھیا کہ نیشنل ایکشن پلان کوئی ایسی شے نہیں اے کہ ایہنوں اک

وار کر کے رکھ دِتا جائے۔ صوبائی وزیر نے آکھیا کہ اسیں صوبے بھر وچ 15783 مدریاں دی جیو ٹیکنگ کیتی جہدی وجہ توں اج مدرسیاں وچ موجود بالاں دی گنتی دا وی پتا اے۔

اوہناں نے آکھیا کہ جنرل راحیل شریف دے بیان نال اتفاق نہیں کردا۔ یاد رہوے کہ آرمی چیف جنرال راحیل شریف نے جمعے دے دیہاڑے جی ایچ کیو وچ ہون والے اعلا سطح دے اجلاس وچ آکھیا سی کہ نیشنل ایکشن پلان اُتے پیشرفت نہ ہون نال آپریشن ضرب عضب متاثر ہو رہیا۔