ڈونلڈ ٹرمپ نوں خاص طور اُتے وزیر اعظم نواز شریف نال ملاقات نہ کرن دا آکھیا گیا سی: خاور گھمن

اسلام آباد(پاکستان پوائنٹ نیوز24۔مئی2017ء) نجی ٹی وی چینل اُتے اک پروگرام وچ گل بات کرد ے ہوئے پرچا کار خاور گھمن نے دسیا کہ میرے کول جو اطلاع اے اوہدے مطابق وزیر اعظم نواز شریف دی امریکی صدر ڈونلڈ ٹرمپ نال کوئی ملاقات نہیں ہوئی۔

خاور گھمن دا کہنا سی کہ امریکی صدر نال وزیر اعظم پاکستان دی ملاقات کروان دی بہت کوشش کیتی گئی سی، ایس حوالے نال سعودی عرب توں وی درخاست کیتی گئی۔

اوہناں دا کہنا سی کہ میں نواز شریف تے ٹرمپ دی

تصویر وی لبھن دی کوشش کیتی کہ کیتے کوئی اجیہی تصویر مل جائے جہدے وچ دوویں رہنما ہتھ ملاندے نظر آ رہے ہون تاں جے ملاقات دے حوالے نال آکھیا جا سکے ، پر انج نہیں ہویا۔

خاور گھمن نے آکھیا کہ ڈونلڈ ٹرمپ نوں امریکا دے ادارے جہناں توں اوہ آپ بریفنگ لے کے آﺅندے نیں، ولوں آکھیا گیا سی کہ وزیر اعظم پاکستان نواز شریف نال ملاقات نہ کیتی جائے۔

ہن اوہناں نے انج کیوںآکھیا ایس حو الے نال امریکی ادارے ای بہتر دس سکدے نیں۔