سینیٹ: نیوز لیکس معاملے بار ے وزیر اعظم تے آرمی چیف پارلیمنٹ وچ وضاحت پیش کرن: اعتزاز ااحسن

اسلام آباد(پاکستان پوائنٹ نیوز12۔مئی2017ء) سینیٹ وچ اپوزیشن لیڈر چودھری اعتزاز احسن نے نیوز لیکس دے حوالے نال وزیر اعظم نواز شریف تے چیف آف آرمی سٹاف جنرل قمر جاوید باجوہ وچکار معاملا طے ہون اُتے دوویں رہنماواں نوں پارلیمنٹ وچ وضاحت پیش کرن دا مطالبا کر دتا، انج ہونا سی تے 7مہینیاں توں سلامتی دی رٹ کیوں لائی گئی۔

تفصیل دے مطابق جمعے نوں نیوز لیکس دی رپورٹ شائع ہون بارے بحث دے حوالے اپنے خطاب وچ اپوزیشن لیڈر اعتزاز احسن نے آکھیا کہ فوج نے سول حکومت ساہمنے سِر نیواں کیتا اے پر ایہدا مطلب ایہ نہیں اے کہ اسیں حکومت دی کارکردگی

توں مطمئن آں۔

ڈی جی آئی ایس پی آر ٹویٹ اُتے میں اک گھنٹہ اندر گل کیتی کہ اک میجر جنرل نوں وزیر اعظم دا حکم رد کرن دی جرئت کیویں ہوئی۔

اوہناں دا کہنا سی کہ حکومت دیاں 7مہینے لَتاں کنبدیاں رہیاں ایس ایشو اُتے حکومت نے کمیٹی بنائی اسیں اعتراض کیتا سی سانوں سپریم کورٹ دی بنائی گئی جے آئی ٹی اُتے وی اعتراض اے۔

اعتزاز احسن نے آکھیاکہ نیوز لیکس کمیٹی دے سربراہ جسٹس عامر رضا خان نے سانجھی رائے نہ ہون دی صورت وچ رپورٹ اُتے دستخط نہ کرن دی دھمکی دتی، ایتھوں پتا لگدا اے کہ اختلاف سی ٹویٹ توں وی اختلاف ساہمنے آئے۔