اوٹاوا(پاکستان پوائنٹ نیوز11۔مئی2017ء) کینیڈا نے پاکستان نال تجارتی تعلقات نوں ہور ودھان دی خاہش دا وکھالا کردے ہوئے آکھیا کہ اے سبھ توں بہتی ترقی کرن والے 10ملکاں دی لسٹ وچ پاکستان دا ناں شامل ہونا وڈی کامیابی اے۔
جمعرات نوں کینیڈا دے وزیر بین الاقوامی تجارت فرانسوا فلپ نے کینیڈا وچ پاکستانی ہائی کمشنر طارق عظم نال اک خط وچ پاکستان دے تجارتی رابطیاں نوں ہور فروغ دین دی خاہش دا وکھالا کیتا اے۔
اوہناں نے خط وچ آکھیا کہ اے کہ عالمی بنک دی کاروبار وچ آسانی بارے 2017دی
رپورٹ وچ سبھ توں بُہتی ترقی کرن والے 10ملکاں دی لسٹ وچ پاکستان دا ناں شامل ہونا ملک دی کامیاب اقتصادی اصلاحات دا براہ راست نتیجہ اے۔
ہائی کمشنر طارق عظم نوں اک خط وچ اوہناں نے آکھیا کہ ایہ گل مان جوگ اے کہ وڈی گنتی وچ کینیڈا دے پاکستانی نژاد باشندے دو پاسی تعلقات دی ودھوتری تے کینیڈا دے معاشرے دی بہتری وچ اپنا کردار ادا کر رہے نیں۔
اوہناں نے پاکستان نال تجارتی تعلقات ہور ودھان دی خاہش دا وکھالا کیتا، جو پچھلے ورھے اک ارب 40کروڑ ڈالر دی سطح اُتے پہنچ گیا اے۔