پاناما کیس: جے آئی ٹی دے سربراہ واجد ضیاءڈائریکٹر اکنامک کرائم ونگ وی تعینات رہے
اسلام آباد(پاکستان پوائنٹ نیوز05۔مئی2017ء) پاناما کیس لئی بنائی گئی تحقیقاتی ٹیم دا سربراہ ایڈیشنل ڈائریکٹر ایف آئی اے واجد ضیاءنوں متھیا گیا اے، واجد ضیاءڈائریکٹر اکنامک کرائم ونگ دے عہدے اُتے رہے جو اکنامک کرائم دی تفتیش دے ماہر وی نیں۔
میڈیا رپورٹس دے مطابق سپریم کورٹ دے اعلامیے وچ آکھیا گیا اے کہ سیکرٹری داخلا نوںجے آئی ٹی ممبراں دی سکیورٹی
لئی انتظامات کرن دی ہدایت وی کر دتی گئی اے۔
جے آئی ٹی لئی فیڈرل جوڈیشل اکیڈمی وچ سیکرٹریٹ بنایا جائے گا۔ عدالت نے وفاقی حکومت نوں حکم دتا اے کہ جے آئی ٹی دے خرچےاں لئی دو کروڑ رُپئے دتے جان۔
سپریم کورٹ نے متعلقہ اتھارٹیز نوں جے آئی ٹی نال پورا تعاون کرن دی ہدایت کیتی اے۔ پاناما کیس جے آئی ٹی پہلی رپورٹ 22مئی نوں پیش کرے گی۔