وزیر اعظم نواز شریف دی صدارت ہیٹھ اعلا سطحی اجلاس ، جے آئی ٹی بارے مشورا عدالتاں دے فیصلےاں دا احترام کردے آں،اپوزیشن فسادچاہندی اے پر کامیاب نہیں ہووے گی: وزیر اعظم میاں نواز شریف

اسلام آباد(پاکستان پوائنٹ نیوز21۔اپریل2017ء) وزیر اعظم میاںمحمد نواز شریف دی صدارت ہیٹھ اعلا سطحی مشاورتی اجلاس ہویا، اجلاس وچ پاناما فیصلے اُتے قانونی ماہرین نے وزیر اعظم نوں بریفنگ دتی۔

میڈیا رپورٹس دے مطابق اج وزیر اعظم میاںمحمد نواز شریف دی صدارت ہیٹھ اعلا سطحی مشاورتی اجلاس ہویا، اجلاس وچ وفاقی وزیر اں تے قانونی ماہراں نے رلت کیتی۔

اجلاس وچ جے آئی ٹی بارے آئندا دی حکمت عملی وی طے کیتی گئی۔ وزیرا عظم نواز شریف نے آکھیا کہ اپوزیشن

فسادچاہندی اے پر کامیاب نہیں ہووے گی۔

اوہناں دا کہنا سی کہ عدالتاں دے فیصلےاں دا احترام کردے آں۔ ایس موقعے اُتے اجلاس وچ وزیر اعظم نواز شریف نوں ملک وچ توانائی بحران دے خاتمے لئی وی بریفنگ دتی گئی۔

حکام نے وزیر اعظم نوں دسیا کہ مارچ 2018تک ملک اندروں بجلی دی لوڈشیڈنگ ختم کر دتی جائے گی۔ حکام نے دسیا کہ دسمبر 2017تک نیشنل گریڈ وچ 5710میگا واٹ بجلی شامل ہووے گی۔

ایسے طرحاں 2018وچ سسٹم وچ ہور 2200میگا واٹ بجلی شامل ہو جائے گئی۔