کراچی(پاکستان پوائنٹ نیوز17۔اپریل2017ء) گورنر سندھ محمد زبیر نے آکھیا اے کہ شہر وچ امن خاطر کراچی آپریشن اک وڈا چیلنج سی جہنوں نبھایا۔
پیر نوں کراچی وچ تاجراں نال گل بات کردے ہوئے گورنر سندھ محمد زبیر نے آکھیا کہ کراچی وچ پچھلے 20ورھیاں توں جو ہویا اوہدے نتیجے وچ پورے ملک نوں نقصان پہنچیا پر ایہ گل ٹھیک نہیں کہ کراچی 60فیصد توں ودھ ٹیکس دیندا اے۔
ایس موقعے اُتے تاجر رہنماواں نے گورنر سندھ توں شکایتاں کیتیاں کہ سندھ وچ سبھ توں بہتی گیس پیدا ہوندی اے پر ایتھے صنعت کاراں نوں مہنگی ایل این جی مُل لین لئی مجبور کیتا جا رہیا اے۔
اوہناں دا کہنا سی کہ وزیر اعظم ولوں نویں گیس کنیکشن دین دے فیصلے اُتے پنجاب وچ تے عملدرآمد شروع ہو گیا اے پر سندھ وچ ایس حوالے نال کوئی پیشرفت نہیں ہوئی۔