مشال خان دے یونیورسٹی ہوسٹل وچ موجود کمرے توں سارے ثبوت پولیس نے قبضے وچ لے لئے
مردان(پاکستان پوائنٹ نیوز15۔اپریل2017ء) عبدالولی خان یونیورسٹی مردان دے مقتول پڑھیار مشال خان دے یونیورسٹی ہوسٹل وچ موجود کمرے توں سارے ثبوت پولیس نے قبضے وچ لے لئے نیں۔
ڈی آئی جی مردان محمد عالم شنواری نے آکھیا کہ مڈھلیاں تحقیقات وچ توہین مذہب دا کوئی ثبوت ساہمنے نہیں
آیا۔ پولیس دے مطابق پڑھیار دے استعمال ہیٹھ ساریاں شیواں تے میٹریل دی پُن چھان کیتی گئی پر توہین مذہب دا کوئی امکان ساہمنے نہیں آیا ۔
پولیس دے مطابق تشدد دے الزام وچ متھے گئے 8ملزماں سنے 100 پڑھیار گرفتار کیتے گئے نیں۔ پولیس دے مطابق قتل بارے ہور تحقیقات جاری نیں۔