سی پیک تے گوادر پورٹ دے اصل خالق اسیں آں: آصف علی زرداری جدوں سی پیک سمجھوتے اُتے دستخط ہوئے نواز شریف وزیر اعظم نہیں سن، ہر پروجیکٹ اپنے ناں کرنا شریف بردران دی عادت اے: انٹرویو

اسلام آباد(پاکستان پوائنٹ نیوز14۔اپریل2017ء) سابق صدر آصف علی زرداری نے آکھیا اے کہ سی پیک تے گوادر پورٹ دے اصل خالق اسیں آں، جدوں سی پیک سمجھوتے اُتے دستخط ہوئے نواز شریف وزیر اعظم نہیں سن، ہر پروجیکٹ اپنے ناں کرنا شریف بردران دی عادت اے، شریف برادران ایٹمی پروگرام دا کریڈٹ وی لیندے نیں، میاں صاحب نے سی پیک دا صحیح استعمال نہیں کیتا۔

تفصیل دے مطابق جمعے دے دیہاڑے نجی ٹی وی نوں دتے گئے انٹرویو وچ سابق صدر آصف علی زرداری کہنا سی کہ سی پیک تے گوادر دے اصل خالق اسیں

آں، جدوں سی پیک سمجھوتے اُتے دستخط کیتے اوس ویلے نواز شریف وزیر اعظم نہیں سن۔

اوہناں دا کہنا سی کہ گرم پانیاں تک رسائی لئی چینی قیادت نوں اسیں راضی کیتا۔ اوہناںنے آکھیا کہ تاریخ ویکھو سی پیک لئی پہلا بنک کدوں کُھلیا۔

پرانیاں تاریخاں کڈھوں کہ کرنسی دا وٹاندرا کدوں ہویا؟ آصف علی زرداری نے آکھیا کہ میاں صاحب نے سی پیک دا ٹھیک استعمال نہیں کیتا۔

شریف بردارن ایٹمی پروگرام دا کریڈٹ وی لیندے نیں ہر پروجیکٹ اپنے ناں کرنا شریف بردارن دی دی عادت اے۔