سینیٹ نے فوجی عدالتاں دے قیام وچ توسیع دی منظوری دے دتی

راولپنڈی(پاکستان پوائنٹ نیوز28۔مارچ2017ء) سینیٹ نے فوجی عدالتاں دے قیام وچ توسیع دی منظوری دے دتی، فوجی عدالتاں لئی 28ویں آئینی ترمیم نوں دو تہائی اکثریت نال منظور کیتا گیا، بل دے حق وچ 78تے مخالفت وچ صرف 3ووٹ پئے، پختونخوا عوامی پارٹی تے جے یو آئی ولوں بل دی مخالفت کیتی گئی۔

میڈیا رپورٹس دے مطابق سینیٹ نے فوجی عدالتاں دے قیام وچ توسیع دی منظوری دے دتی اے، فوجی عدالتاں لئی 28ویں آئینی ترمیم نوں دو تہائی اکثریت نال منظور کیتا گیا، بل دے حق وچ 78تے مخالفت وچ صرف 3ووٹ پئے۔

چیتے رہوے کہ سینیٹ توں پہلے قومی

اسمبلی وچ فوجی عدالتاں دے بل نوں منظور کیتا گیا سی۔ ہن سینیٹ دے بعد صدر مملکت 28ویں ترمیم دی منظوری دین گے۔

جہدے مگروں ایکٹ آف پارلیمنٹ بن جائے گا۔ فوجی عدالتاں دے ایکٹ دے تحت فوجی عدالتاں دی مدت وچ 2سال دی توسیع ہو جائے گی۔

فوجی عدالتاں دی مدت وچ 7جنوری 2017توں توسیع گنتی وچ آئے گی۔ ایکٹ دے سارے حکماں اُتے عمل دو سال لئی ہووے گا۔ ایس توں وکھ دہشت گردی دے الزام وچ گرفتار کیتے گئے ملزم دا جرم دسیا جائے گا۔

ایسے طرحاں مذہب تے فرقے دے ناں اُتے دہشت گردی کرن والے دے مقدمے فوجی عدالتاں وچ چلن گے۔