لاہور(پاکستان پوائنٹ نیوز27۔مارچ2017ء) شریک چیئرمین پیپلز پارٹی آصف علی زرداری نے وفاقی وزیر داخلا چودھری نثار علی خان دے انتخابی حلقے چکری وچ جلسے دا اعلان کر دتا۔
اوہناں دا کہنا سی کہ مفاہمت دی سیاست نوں چھڈ دتا اے، ن لیگ تے پی ٹی آئی دا مقابلا کراں گے۔ تفصیل دے مطابق اج راولپنڈی دے عہدیداراں نال گل بات کردے ہوئے آصف علی زرداری نے آکھیا کہ پیپلز پارٹی دی قیادت بلاول کرن گے۔
حکومت نال پچھلے 4سال مصالحت کر کے ویکھ لئی جدکہ ہن آخری سال جارحانا اننگز کھیڈاں گے۔ مخالفاں نوں ہر حملے دا سیاسی جواب دیاں گے۔
ایس موقعے اُتے آصف علی زرداری نے وفاقی وزیر داخلا چودھری نثار علی خان دے انتخابی حلقے وچ جلسہ کرن دا اعلان کردے ہوئے آکھیا کہ کارکن چھیتی جلسے دی بھرپور تیاری شروع کر دین۔
اوہناں نے آکھیا کہ کارکناں نال اگلی ملاقات چکری وچ ہووے گی۔