لاہور(پاکستان پوائنٹ نیوز20۔مارچ2017ء) وفاقی وزیر داخلا چودھری نثار علی خان نے پاکستان سپر لیگ وچ ساہمنے آن والے سپاٹ فکسنگ دے معاملے اُتے تفتیش ہیٹھ کھڈاریاں دے ناں ایگزٹ کنٹرول لسٹ وچ پان دی منظوری دے دِتی اے۔
تفصیل دے مطابق ایف آئی اے پنجاب دے سربراہ ڈاکٹر عثمان تے تفتیشی افسر ولوں وزارت داخلا نوں لکھے گئے خط اندر آکھیا گیا اے کہ ایہ اک اہم قومی نوعیت دی تفتیش اے جہدے نال ملکی وقار جڑیااے۔
یاد رہوے کہ ایف آئی اے نے محمد عرفان، شاہ زیب حسن،خالد لطیف،
شرجیل خان تے ناصر جمشید نوں 20،21مارچ نوں تفتیش لئی سَدیا اے۔
وسیلیاں دے مطابق وفاقی وزیر داخلا نے ایف آئی اے دی درخاست اُتے ذکر کیتے گئے کھڈاریاں دے ناں ای سی ایل وچ پان دی منظوری دے دِتی اے۔
چودھری نثار علی خان دا کہنا سی کہ ملک دا ناں بدنام کرن والے کھڈاریاں نوں قانون دے کٹہرے وچ لیاندا جائے جدکہ جواریاں خلاف وی کارروائی کیتی جائے۔
اوہناں دا کہنا سی کہ تفتیش وچ زیرو ٹالیرنس دی پالیسی ورتی جائے تے ایس سلسلے وچ کوئی دباءقبول نہ کیتا جائے۔