آصف زرداری نے اپنی پارٹی وچ رلت دی دعوت دتی سی پر میں معذرت کر لئی: ڈاکٹر عشرت العباد
دبئی(پاکستان پوائنٹ نیوز17۔مارچ2017ء) سابق گورنر سندھ ڈاکٹر عشرت العباد نے آکھیا اے کہ سابق صدر آصف علی زرداری نے اپنی پارٹی وچ رلت دی دعوت دِتی سی جہدے اُتے میں معذرت کر لئی۔
تفصیل دے مطابق نجی ٹی وی نال گل بات کردے ہوئے سابق گورنر سندھ ڈاکٹر عشرت العباد نے آکھیا کہ ایم کیو ایم دی بدنامی دی وجہ بھتہ خوری،
ٹارگٹ کلنگ تے لینڈ مافیا سی تے ہن اوہی دہشت گرد پاک سرزمین پارٹی اُتے قبضے کیتی بیٹھے نیں۔
عشرت العباد دا کہنا سی کہ سندھ وچ اپوزیشن دا جو خلاءاے اوہ بہت وڈا المیا اے، ارکان اسمبلی ڈاکٹر فاروق ستار دی بجائے لندن ول ویکھ رہے نیں تے انتخابات وی اوہی جِتے گا جہنوں ایم کیو ایم لندن دی حمایت ملے گی۔