پنجاب پولیس نے فاٹا توں تعلق رکھن والے شہریاں بارے سوشل میڈیا اُتے ساہمنے آن والے نوٹس توں لاتعلقی دا اعلان کر دِتا نوٹس وچ لوکائی نوں فاٹا تے افغانستان توں تعلق رکھن والے لوکاں اُتے نظر رکھن تے اوہناں توں محتاط رہن دی ہدایت کیتی گئی سی
لاہور(پاکستان پوائنٹ نیوز23۔فروری2017ء) پنجاب پولیس نے فاٹا توں تعلق رکھن والے شہریاں بارے سوشل میڈیا تے ساہمنے آن والے نوٹس توں لاتعلقی دا اعلان کر دِتا۔
تفصیل دے مطابق پچھلے دیہاڑے سوشل میڈیااُتے منڈی بہاوالدین پولیس ولوں مبینہ نوٹس جاری کیتا گیا۔ نوٹس وچ لوکائی نوں فاٹا تے افغانستان توں تعلق رکھن والے لوکاں اُتے نظر رکھن تے اوہناں توں محتاط رہن دی ہدایت کیتی گئی سی۔
ایس نوٹس دے ساہمنے آن مگروں سوشل میڈیا اُتے لوکائی ولوں
پولیس دے ایس اقدام نوں تعصب پسندانا اقدام قرار دِتا گیا سی تے ذکر کیتے گئے نوٹس دی مذمت وی کیتی گئی سی پر ہن ایس حوالے نال پنجاب پولیس دے ترجمان ولوں وضاحتی بیان جاری کیتا گیا اے۔
جاری بیان وچ دسیا گیا اے کہ نوٹس دا پنجاب پولیس نال کوئی تعلق نہیں اے۔منڈی بہاوالدین پولیس نے انج دا کوئی نوٹس جاری نہیںکیتا۔
ایس قسم دے نوٹس سوشل میڈیا اُتے لوکائی وچکار نفرت کِھلارن دی وجہ بندے نیں۔ ایس لئی اسیں ایس اقدام دی مذمت کردے آں۔