اسلام آباد(پاکستان پوائنٹ نیوز16۔فروری2017ء) نجی ٹی وی چینل دے پروگرام وچ گل بات کردے ہوئے ڈاکٹر شاہد مسعود نے انکشاف کیتا کہ ملک دے تن وڈے ائر پورٹس نوں پرائیوٹائز کرن دا فیصلا کیتا گیا اے۔ اوہناں نے دسیا کہ ائر پورٹس دی نجکاری دا فیصلا کیبنٹ میٹنگ وچ ہویا تے ہن ایس فیصلے نوں ساہمنے لیان لئی غور شروع کر دِتا گیا کہ ایہنوں کیویں ساہمنے لیاندا جائے۔
ڈاکٹر شاہد مسعود دا کہنا سی کہ پرائیوٹائز کیتے جان والے ائر پورٹس وچ نیو اسلام آباد ائر پورٹ، کراچی ائر پورٹ تے علامہ اقبال انٹرنیشنل ائر پورٹ شامل نیں۔ اوہناں دا کہنا سی کہ ایس سلسلے وچ پارلیمنٹ توں منظوری وی نہیں لِتی گئی۔ اوہناں دا کہنا سی کہ میری اسحاق ڈار توں گزارش اے کہ اوہ ایس نجکاری دی وضاحت کرن۔