لاہور وچ دہشت گردی دا خطرہ دہشت گرد لاہور اپڑ گئے،قانون نافذ کرن والے اداریاں نے شہر بھر دی سکیورٹی سخت کر دتی

لاہور(پاکستان پوائنٹ نیوز19۔مئی2018ء ) صوبائی راجدھانی وچ دہشت گردی دا خطرہ، آپ مارو حملا آور نال دہشت گرد لاہور اپڑ گئے، قانون نافذ کرن والے اداریاں نوں سکیورٹی سخت کرن دا حکم جاری کر دتا گیا۔

نیشنل کاؤنٹر ٹیرر ازم اتھارٹی ولوں ہوم سیکرٹری پنجاب، انسپکٹر جنرل پنجاب، ڈائریکٹر جنرل، پاکستان رینجرز پنجاب تے ہور قانون نافذ کرن والے اداریاں نوں گھلے گئے تھریٹ الرٹ وچ دہشت گردی دے خطرے دے حوالے نال دسیا گیا اے۔

نیکٹا ولوں جاری مراسلے وچ دسیا گیا اے کہ کالعدم دہشت گرد

تنظیم دے ذیلی ونگ نے لاہور وچ تخریب کاری دی منصوبہ بندی کر لی اے تے آپ مارو حملا آور نال دہشت گرد لاہور اپڑ گئے نیں ۔

دہشت گرد حساس تھاواں، غیر ملکی باشندیاں تے سرکاری افسراں نوں نشانہ بنا سکدے نیں۔ مراسلے بارے متعلقہ اداریاں نوں ہدایتاں جاری کیتیاں گئیاں نیں کہ اوہ کسے وی خطرے نوں مُکھ رکھدے ہوئے سکیورٹی دے سخت انتظامات کرن۔

وسیلیاں مطابق تھریٹ لیٹرجاری ہون مگروں پنجاب پولیس تے ہور قانون نافذ کرن والے اداریاں ولوں شہر بھر دی سکیورٹی سخت کر دتی گئی اے۔