وہاڑی(پاکستان پوائنٹ نیوز30۔اپریل2018ء) بالڑیاں پیدا کرن دے طعنے، ماں نے دھیاں سنے نہر وچ چھال مار دتی۔ قومی اخبار دی اک رپورٹ مطابق وہاڑی دے علاقے وچ فیاض ماہی نامی سوانی دا ویاہ عزیز نامی شہری نال ہویا۔
ویاہ مگروں فیاض ماہی نامی سوانی دیاں تن دھیاں پیداہوئیاں۔ دھیاں پیدا ہون اُتے اوہدے سوہریاں دا رویہ سخت ہو گیا۔
غربت تے
سوہریاں دے طعنے نے فیاض ماہی نوں ذہنی روگی بنا دتا۔ پچھلے دیہاڑے سوانی نے گھر والیاں دے رویے توں دُکھی ہو کے بالاں سنے نہر وچ چھال مار دتی۔
جیہدے مگروں لوکاں نے ریسکیو 1122نوں اطلا ع دتی۔ پر ریسکیو دے پہنچن توں پہلاں ای مقامی لوکاں نے اپنی مدد آپ دے تحت سوانی تے اک بالڑی نوں باہر کڈھ لیا جدکہ تیجی دی بھال (تلاش) جاری اے۔