لاہور(پاکستان پوائنٹ نیوز01۔جون2017ء) وزیر اعلا پنجاب شہباز شریف دی ہدایت اُتے لوکائی نوں صحت مند تے معیاری خوراک دی فراہمی یقینی بنان لئی پنجاب فوڈ اتھارٹی دا ناقص کھان پین والیاں شیواں بنان والیاں خلاف کریک ڈاﺅن جاری اے۔
ایس سلسلے وچ پچھلے ہفتے توں جاری ہون والی ناقص کوکنگ آئل تے گھیو دی فہرست وچ شامل سارے برانڈز دے مال نوں مارکیٹ توں ہٹان دا کم جاری اے۔
تفصیل مطابق مختلف شہراں توں پچھلے دیہاڑے 7088کلو ناقص تے مضر صحت کوکنگ آئل
تے گھیو چُک لیا۔ پچھلے دو دِناں اندر 15168کلو ناقص مال مارکیٹاں توں چُکیا گیا اے۔
سارےاں کمپنیاں نوں ہدایتاں کیتیاں گئیاں نیں کہ اوہ اپنا مال مارکیٹ توں چُک لین پر فیل شدا برانڈز مارکیٹ وچ موجود ہون دی شکایت اُتے پنجاب فوڈ اتھارٹی دیاں ٹیماں کارروائی کر رہیاں نیں۔
ایس توں وکھ ہور کارروائیاں وچ فیصل ٹاﺅن وچ بٹ کڑاہی نوں خراب سبزیاں ورتن، ورکرز دا میڈیکل سرٹیفکیٹ نہ ہون تے جسمانی صفائی دا خیال نہ رکھن اُتے سیل کر دتا گیا۔