پاکستان اوغانستان اٹی امن خواہک، ڈیہہ ٹی پائیدار امن کن اوغانستان اٹی سوگوی بے کچ المی ءِ ، اوغانستان اٹی سیاسی مفاہمت کن کروک آ ہر کوشست نا مخ تفی ءِ کینہ بنجائی وزیر داخلہ احسن اقبال نا جانزہوپکنزیونیورسٹی نا اسکول آف ایڈوانسڈ انٹرنیشنل سٹڈیز اٹی اسہ پروگرام اسے آن تران

واشنگٹن(پاکستان نیوزپوائنٹ12اکتوبر2017ء) بنجائی وزیر داخلہ احسن اقبال پارینے کہ پاکستان اوغانستان اٹی امن خواہک، ڈیہہ ٹی پائیدار امن کن اوغانستان اٹی سوگوی بے کچ المی ءِ، اوغانستان اٹی سیاسی مفاہمت کن کروک آ ہرکوشست نا مخ تفی ءِ کینہ۔

سیاسی مفاہمت ہی قابل ءُ کسر اسے۔ اوداخیال آتا درشانی ءِ واشنگٹن ڈی سی ٹی جانز ہوپکنز یونیورسٹی نا اسکول آف ایڈوانسڈ انٹرنیشنل سٹڈیز اٹی اسہ پروگرام اسے آن تران کرسا کرے ہراٹی طالب علم آک، تعلیمی چاہندارآک، تھنک ٹینک نا مبصر و میڈیا رپورٹرز آک ہم ساڑی ئسر۔

بنجائی وزیر داخلہ پارے کہ اوغانستان اٹی سیکورٹی نا بے سہبی نا دوبہ ءِ پاکستان آ خلنگ آ ن ہچ اس دوبفک وداپاکستان

نا الس آ ہم اسہ تہمت اس مریک ہراک دہشت گردی نا برخلاف جنگ اٹی بے پناہ قربانی تسنو۔

اوپاکستانی حکومت نا کنڈآن بناء کروک آ نیشنل ایکشن پلان ءِ سرجم اٹ مون آ تخا۔ چائنہ پاکستان اکنامک کوریڈور نا بابت ہیت وگپ کرسا وزیر داخلہ پارے کہ داڈٹ آن نئے بیرہ پاکستان اٹی ٹرانسپورٹ و توانائی نا انفراسٹرکچر گچین مریک بلکن دا مچ آ ڈیہہ ٹی سوگوی کن اہم ءُ کڑد اس ادا کیک۔

ہنداخاطران غٹ ملک آتے داڈٹ انا بایدے ستاءِ کروئی مرے ہراڑآن سویلی ایشیاٹی سوگوی و شونہالی بریک۔ وزیر داخلہ پاکستان نا داعزم ءِ ولدا پارے کہ او ڈیہہ ٹی امن و سیکورٹی نا دوئی کننگ کن امریکہ تون پارٹنر نا حیثیت اٹ کاریم کننگ کن تیار ءِ۔