مزن وزیر محمدنواز شریف ء ُ تاجک صدر امام رحمانوف ءِ نیمگءَ چہ دوھیں ملک ء ُ خطہءِ تہا دمگی نزیکی گیش کنگءِ ھوالگءَ یک جائی اعلامیہ ءِ سرءَ دستخط دوھیں ملک آنی دمگی نزیک ، بیپارء ُ توانائی ءِ سرءَ دلگوشی کنگ، معشیت ، دیمپانی ء ُ سلامتی ، کشتء ُ کشاری ء ُ وانگ ء ُ زانگ ءِ پڑآں کمک گیش کنگءِ سرءَ نوکیں موھ درگیجگ ءِ سرءَ تپاک

دوشنبے(پاکستان نیوزپوائنٹ 5جولائی2017ء) پاکستانء ُ تاجکستان ءَ دمگی نزیکی ، بیپاری ء ُ توانائی ءِ سرءَ دلگوشی کتگء ُ معیشت، دیمپانیء ُ سلامتی ، کشت ء ُ کشاری وانگء ُ زانگ ءِ پڑاں کمک ءَ را گیش کنگءِ نوکیں موھ درگیجگءِ سرءَ تپاک کتگ۔

مزن وزیر محمد نواز شریف کہ دو روچی سرکاری ترء ُ تاب ءَ تاجکستان ءِ بنجاھی حکومتءَ اِنت ، آئیءَ تاجکستان ءِ صدر امام علی رحمانوف ءِ ھراھی ء َ دوھیں ملک ء ُ خطہ ءِ تہا دمگی نزیکیءَ را گیش کنگءِ ھوالگءَ یکجائی اعلامیہ ءِ سرءَ دستخط کتگ۔

دوھیں نیمگاں چہ پاکستان ء ُ تاجکستان ءِ درنیامءَ حکومتی ء ُ دمگی تک ءَ کمک ءَ را گیش کنگءِ ء ُ دونیمگی سیادی ءَ را گیش کنگءِ سرءَ زورپِرداتگ۔

دوھیں رہنما ء بیپاری کمک ءِ سرءَ مفاہمت ءِ یات گیرآنی سرءَ دستخط آنی موھءَ ھم ساڑی بوتگ۔ بیپاریءِ وزیر انجینئر خرم دستگیر ءَ پاکستان ءِ نیمگءَ چہ مفاہمت ءِ یات گیرآنی سرءَ دستخط کتگ وھدے کہ تاجکستان ءِ نیمگءَ چہ معیشت ءِ وزیر نعمت اللہ حکمت اللہ زادہ ءَ دستخط کتگ۔

اے موھءِ سرءَ بارانی زرعی یونیورسٹی راولپنڈی ء ُ دوشنبے ءِ زرعی یونیورسٹی ءِ درنیامءَ کمک ءِ ھوالگءَ چہ مفاہمت ءِ یات گیر آنی سرءَ ھم دستخط کتگ۔

مزن وزیر محمد نواز شریف ءَ کمک کارانی ابیدءَ ء ُ ڈلی تک ءَ بوتگیں گپء ُ تران ءَ پد صحافی آناں ھال داتگ کہ آ تاجکستان ءَ سیاسی استحکام ، وت مہ وتی ء ُ آئی ءِ جوانیں اقتصادی دیمروئی ءَ چہ باز وش بوتگ۔

تاجکستان جوائنٹ ورکنگ گروپ ءِ اولی اجلاس ءِ کنگءِ سرءَ تپاک کتگ۔ نواز شریف ءَ یات داتگ کہ آئیءِ جون2014ءَ پد آئیء ِ اے چارمی ترء ُ تاب اِنت وھدے کہ صدر امام علی رحمانوف ءَ پاکستانءِ دو ترء ُ تاب کتگ۔

مزن وزیر نواز شریف ءَ گشتگ کہ گوستگیں ماہ دوشنبے ءَ بزنس فورم ءِ تہا دوھیں نیمگءَ فارماسیوٹیکلز ، ٹیکسٹائل ء ُ تعمیرات ءِ پڑآں کمک ءِ سرءَ ھیال ء ُ لیکہ ءِ درشانی کتگ بوتگ۔

آئی ءَ گشتگ کہ بیپاری زرکاری ء ُ ٹرانسپورٹ ءِ سرءَ یکجائی ورکنگ گروپ ءِ اجلاس گوازوکیں ماھءَ بیت کہ ایشی ءِ تہا اے پڑآنی تہا نوکیں موھ درگیجگ بنت۔

آئی ءَ دوشنبے ءَ پاکستانی سفارت

خانہ ءِ تہا کمرشل سیکشن پچ کنگءِ ھم جار جتگ۔ گوستگیں پنچ سالانی تہا دوھیں ملک آنی درنیامءَ دونیمگی بیپاری 40ءَ چہ 90ملین ڈالر ءِ درنیامءَ بوت گ بلے دوھیں ملک آں ایشی ءَ را 500ملین ڈالر ءَ گیش کنگءِ سرءَ تپاک کتگ۔

مزن وزیر محمد نواز شریفءَ گشتگ کہ پاک چین اقتصادی راہداری (سی پیک) ءَ چہ گوادر ءَ چہ کاشغر ءَ دمگی نزیکی ء ُ یکوئی ءَ ر اگیش کنگءِ ھاترءَ نوکیں موھ دست کپ اَنت۔

اوگانستانءَ گوں سیادیءِ گپ کتگء ُ مزن وزیرءَ گشتگ کہ اوگانستان ءَ امنء ُ ایمنی ء ُ مھکمی پاکستانءِ پاھدگ اِنت۔

آئی ءَ گشتگ کہ پاکستان اوگانستان ءِ تہا امنء ُ ایمنی کنگءِ کوشستانی ھوالگءَ تعمیری شریداری ءَ جاری داریت۔ دوھیں رہنما آں یک جائی وزارتی کمیشن ءِ جون 2016ءَ اسلام آبادءَ بوتگیں اجلاس ءِ سرءَ سدّکی ءِ درشانی کتگ کہ ایشی ءِ تہا دو نیمگی بیپاریءَ را گیش کنگءِ ھوالگءَ ھاسیں پیسلہ کنگ بوتگ۔

تاجکستان ءِ صدر امام علی رحمانوف ءَ صحافی آنی گوما گپء ُ تران کتگء ُ شنگھائی کمک گل ءِ تہا پاکستانءِ ھواربوھگءِ سرءَ مزن وزیر محمد نواز شریف ءَ را مراد بات داتگ۔

آئی ءَ گشتگ کہ دوھیں ملک آنی درنیام ءَ سیاسی ترندء ُ مھکم اَنت۔ آئیءَ گشتگ کہ دوھیں ملک وتی سیادی ءِ 25می ودی روچءَ ایر بہ کن اَنت۔

آئی ءَ گشتگ کہ دونیمگی ٹرانزٹ ٹریڈ منء ُ گرءَ را زوت گڈی دروشم دیئگ ءِ ضلورت ءِ سرءَ زور پِرداتگ۔ تاجکستان ءِ صدر ءَ اے اُمیتءِ درشانی کتگ کہ پاکستانی زرکا تاجکستان ءَ ٹریڈ فری زونز ءِ تہا زرکاری کن اَنت۔

آئیءَ گشتگ کہ تاجکستان ھشکی ءِ تہا اِنت ء ُ پاکستانءِ دھکہ آنی وسیلگءَ وتی جوڈ کتگیں چیزمصنوعات ءَ باقی دنیاءَ سر کنگءِ موھءَ چہ پاھدگ چست کنگ لوٹ ایت۔

آئیءَ گشتگ کہ دوھیں نیمگءِ دمگی جاورھال ءِ سرءَ ھیال ء ُ لیکہ ء ِ درشانی کتگ ء ُ ای سی او ، او آئی سی ء ُ ایس سی او ءِ تک ءَ سیادی ءَ را گیش کنگءِ ضلورتءِ سرءَ زورپِرداتگ۔

آئی ءَ گشتگ کہ مزن وزیر محمد نواز شریف ءِ تاجکستان ءِ ترءِ تابءِ سرءَ سدّکی اِنت ء ُ مہ اُمیت کن اَنت کہ ایشی ءَ چہ دوھیں ملک آنی درنیامءَ سیادی ءَ را گیش پراھ ء ُ شاھگانی رسیت۔