چین پاکستان نا قومی مفاد نا رکھ و ریاستی سوگوی نا پبی مخ تفی ءِ کیک، ترجمان چینی وزارت خارجہ
بیجنگ(پاکستان نیوزپوائنٹ 14جون2017ء) چین پاکستان نا قومی مفاد نا رکھ و ریاستی سوگوی نا پبی مخ تفی ءِ کیک۔ ذرائع ابلاغ چین نا وزارت خارجہ نا ترجمان لوکینگ نا بابت پارینے کہ چین شاری تا برخلاف غٹ انتہاء پسندانہ گام گیج و دہشت گردی نا غٹ وڑوڈول آتا برخلاف پبی مذمت ءِ کیک۔
چارشنبے نا دے چینی وزارت خارجہ نا ترجمان پارے کہ چین دہشت گردی و انتہاء پسندی نا غٹ وڑوڈول آتا پبی مذمت ءِ کرسا
پاکستان نا دہشت گردی نا برخلاف جنگ و اونا قومی مفاد و سوگوی کن تینا پبی مخ تفی آ سلوک ءِ و آخبت اٹی ہم دا مخ تفی پبی عزم اتون برجاء تخنگک۔
اوپارے کہ ڈیہہ و داڑآن پرامن و سوگوی ءِ المی جوڑ کننگ کن چین جہانی برادری تون تینا کمکاری ءِ برجاتخک و تینا کوشست آتے پین ودفک۔
اسہ سوج اسے نا ورندی ٹی ترجمان پارے کہ او پاکستان تون چینی جوڑی نا برمتہ نا معاملہ غا خڑکی رابطہ ٹی ءِ۔