اوغانستان اٹی امریکی جاسوس جہاز آتا میزائل جلہو و سیکورٹی فورس آتا کارروائی تیٹی طالبان تاڈپٹی گورنر تون اوار 75 عسکریت پسند آتا تپاخت کننگ نا داوا
کابل(پاکستان نیوز پوائنٹ 8اپریل2017ء) اوغانستان اٹی امریکی جاسوس جہاز آتا میزائل جلہو و سیکورٹی فورس آتا کارروائی تیٹی طالبان تا ڈپٹی گورنر تون اوار 75 عسکریت پسند آتا تپاخت کننگ نا داوا کننگانے۔
اوغان میڈیانا رداٹ حکومتی و سیکورٹی ذرائع پارینے کہ دے ٹکی صوبہ ننگر ہار و لغمان اٹی امریکی جاسو س جہاز آک چندی شکبر ٹھکانہ غاتیا بمباری کریر ہراٹی داعش نا 31 کارندہ تپاخت و چندیک
ٹھپی مسر۔
داکارروائی تیٹی بھلو کچ اسے ٹی سلہہ و گولہ بارود آتے بھس کننگ نا داوا ہم کننگانے۔ سیکورٹی ذرائع پارے کہ ہرات و ارزگان اٹی سیکورٹی فورس آک طالبان و ایلو عسکری گروپ آتا برخلاف کارروائی کریر ہرافتے ٹی کم از کم 32 طالبان تپاخت و 7 پین ٹھپی مسر۔
قطبی صوبہ قندوز اٹی اسہ فضائی جلہو اسے ٹی طالبان تا ڈپٹی گورنر تون اوار 12جنگوڑو آتا تپاخت کننگ نا داوا کننگانے۔