سری لنکا و بھارت نا نیام اٹ چارمیکو ون ڈے کرکٹ میچ (پگہ ) پنچ شنبے نا دے گوازی کننگک بھارت ءِ سیریز اٹی میزبان ٹیم نا برخلاف 3-0 نا فیصلہ کن برتری دوئی

کولمبو(پاکستان نیوزپوائنٹ29اگست2017ء) سری لنکا و بھارت نا کرکٹ ٹیم تا نیام اٹ پنچ ون ڈے میچ آتیا تالان سیریز نا چارمیکو میچ (پگہ) پنچ شنبے نا دے کولمبو ٹی گوازی کننگک۔

مہمان بھارتی ٹیم ءِ سیریز اٹی آئی لینڈنا برخلاف 3-0 نا فیصلہ کن برتری دوئی ءِ، اولیکو میچ اٹی بھارت سری لنکا ءِ 9 وکٹ آتے اٹ شکست تس، ارٹ میکو میچ اٹی سری لنکن ٹیم ءِ 3وکٹ آتے اٹ شکست مس وخت اس کہ مسٹ میکو میچ اٹی بھارت سری لنکا ءِ

6وکٹ آتے اٹ باترفسا پنچ میچ آتا سیریز اٹی 3-0 نا فیصلہ کن برتری دوئی کرینے۔

بھارتی ٹیم انا کیپٹن نا پاننگ ءِ کہ اونا ٹیم پورو وڑاٹ فٹ و پبی فارم اٹی ءِ و میزبان ٹیم ءِ ٹیسٹ انا کنڈآون ڈے سیریز اٹی ہم کلین سوئپ کیک۔

ہڑتوم آ ٹیم تا نیام اٹ پنچ ون ڈے میچ آتیا تالان سیریز نا پنچ می و آخریکو میچ 3ستمبر آکولمبو ٹی گوازی کننگک وخت اس کہ اسٹ انگا ٹی ٹونٹی میچ 6ستمبر آ کولمبو ٹی ہی گوازی کننگک۔