قومی اسمبلی دیوان، دارالحکومت شونداری ادارہ اتھارٹی (ترمیمی ) بل 2017ء پیش کننگ نا تحریک مسترد

اسلام آباد(پاکستان نیوز پوائنٹ 31جنوری2016ء) قومی اسمبلی دارالحکومت شونداری ادارہ اتھارٹی (ترمیمی) بل 2017ء پیش کننگ نا تحریک ءِ مسترد کرے۔

سے شنبے آ قومی اسمبلی ٹی اسد عمر تحریک پیش کرے کہ دارالحکومت شونداری ادارہ اتھارٹی (ترمیمی) بل 2017ء پیش کننگ نا موکل تننگے۔

اوپارے کہ اسلام آباد اٹی بھاز کم نرخ آ ڈغار دوئی کننگک و زر ہم ادا کننگپک، خلقت آتے مشکل آتا مون تروکی ءِ۔ دابابت سی ڈی اے نا ساڑی اختیار ءِ چٹفنگے۔

وزیر مملکت ڈاکٹر طارق فضل چوہدری بل انا مخالفت ءِ کرے و پارے کہ 1960ء ٹی اسلام آباد نا پلان منظور مس۔ داوخت اسکان اسلام آباد نا ودیکی نا کاریم برجاہ ءِ، داکانود نا گرج ءِ۔

گڑاس ویل ہرافتا پیدواری فاضل باسک کرینے او درست ءِ، ڈغار نا دوئی کن نرخ و مالک

آتے ادائیگی تا نظام ءِ گچین جوڑ کننگ انگ ءِ۔

اوپارے کہ سی ڈی اے بھاز انگا موضع جات نا 10 ارب روپئی نا نادہندہ ءِ۔ اسپیکر پارے کہ ہراخلقت نا کل جمع پونجی ڈغار نا ٹکر اس مریک او انت کیرہ۔

دابل ءِ بایدے کمیٹی نا حوالہ کننگے۔ اسد عمر پارے کہ ہراوخت اسکان ڈغار آ شونداری کاریم نا بنا مفک ، خلقت ءِ ادائیگی مفک، بل ءِ کمیٹی نا حوالہ کننگے۔

وزیر مملکت ڈاکٹر طارق فضل چوہدری پارے کہ ڈغار نا معاوضہ غاتا ادائیگی و بل اِرا جتا گڑا ءُ۔ داہیت درست اف کہ ہراوخت اسکان سیکٹر نا شونداری کاریم مفک ڈغار نا معاوضہ غاتا ادائیگی مفک۔

معاوضہ غاتا ادائیگی نا معاملہ ءِ بے شک کمیٹی نا حوالہ کننگے۔ بل ءِ کمیٹی آ گدریفنگ نا گرج اف۔ قومی اسمبلی بل ءِ پیش کننگ نا موکل تتو۔