جہانی برادری مقبوضہ کشمیر اٹی انسانی حق انا خلاف ورزی تا نوٹس ءِ ہلے، بنجائی وزیر انسانی حق کامران مائیکل

اسلام آباد(پاکستان نیوز پوائنٹ 27جنوری2016ء) بنجائی وزیر انسانی حق کامران مائیکل پارینے کہ جہانی برادری ءِ مرے کہ او بھارتی فورس آتا کنڈآن مقبوضہ کشمیر اٹی انسانی حق انا خلاف ورزی تا نوٹس ءِ ہلے۔

ریڈیو پاکستان تون ہیت وگپ کرسا او پارے کہ پاکستان مقبوضہ کشمیر اٹی بھارتی بیدادی نا برخلاف جہانی فورم آتیا کشمیری الس نا توار ءِ بڑز کننگ ءِ۔

اوپارے کہ وزیراعظم محمد نواز شریف اقوام متحدہ نا جنرل اسمبلی ٹی تران تون اوار کیہی جہانی راہشون آتون

اوڑدہی تیٹی کشمیر نا ویل ءِ تالان کرینے و اونا پاننگ ءِ کہ او کشمیری تا اخلاقی ، سیاسی و سفارتی مخ تفی ءِ برجاہ تخک۔

داوخت آ یٰسین ملک نا اُرائی مشال ملک پارے کہ بھارتی فوج کودک کشمیری تیا ظلم و ستم کننگ ءِ و برہان وانی نا شہیدی آن پد آن داوخت اسکان سد آ کشمیری تے شہید ، ٹھپی و ورناتے پیلٹ گن آتا کمک اٹ نابینا کرینے۔

اوجہانی واک آتیان خواست کرے کہ او بھارت ءِ مقبوضہ کشمیر اٹی بیدادی ءِ بند کننگ و کشمیر ناویل ءِ ایسر کننگ نا زورشاغے۔