گوادر بندرگاہ نا 5لکھ ٹن اسکان خام تیل نا بھلو کنٹینر گدرینگ انگ نا استعداد ءِ، دا بندرگاہ ملک اٹی اقتصادی شونداری ءِ مون آ دیک و ہندی بندغ آتے بھلو روزگار نا وارخواہی اس فراوان کیک وزارت ڈٹ بندی و شونداری نا کنڈآن قومی اسمبلی ٹی ورندی

اسلام آباد(پاکستان نیوز پوائنٹ 26جنوری2016ء) وزارت ڈٹ بندی و شونداری نا کنڈآن قومی اسمبلی ءِ پاننگانے کہ گوادر بندرگاہ نا 500,000ٹن اسکان خام تیل انا بھلو کنٹینر گدرینگ انگ نا کچ ارے۔

دا ملک اٹی اقتصادی شونداری ءِ مون آ دیک و ہندی بندغ آتے بھلو روزگار نا وارخواہی اس فراوان کیک۔ دا دنیا ءِ 40درسد اسکان تیل فراوان کروک آ خلیج نا دھانہ غا واقع ءِ ، اقتصادی وڑاٹ وسط ایشیائی ریاست آتا ہنوک آ دا خڑک انگا کسر ءِ، چاہ بہار بندرگاہ ایران اٹی بھارت 131ملین ڈالر نا زرکاری کرینے۔

پنچ شنبے آ قومی اسمبلی ٹی وقفہ سوج آتیٹی ڈاکٹر شازیہ ثوبیہ نا سوج انا ورندی ٹی ڈاکٹر عباداللہ پارے کہ گوادر بندرگاہ خلیج اومان آ واقع ءِ ، ہرا خلیج فارس نا دھانہ نا خڑک ءِ۔

دا اسہ بھلا باسن دیر انا سمندری بندرگاہ ءِ ہرا کم وود 460کلو میٹر کراچی نا دیکی ٹی و کم و ود 75کلو میٹر ایران نا سیم اتون پاکستان نا دے ٹک اٹی ءِ۔

دا تیل آن مالامال دے ٹکی نیامی نا نیام اٹ و خشکی ٹی تموک اوغانستان و گنجان آباد سویلی ایشیانا کمک اٹ تیل آن مالامال وسط ایشیائی ریاست آتا ہنوک آ اقتصادی وڑاٹ خڑک انگا کسر ءِ۔

دا خلیج نا دنگ آواقع ءِ ہرانا کمک اٹ دنیا نا 40درسد تیل ہردے گدرینگک ۔ گوادر بندرگاہ نا 500,000 ٹن اسکان خام تیل نا بھلو

کنٹینر گدرینگ انگ نا کچ ارے۔

اوپارے کہ دا ملک اٹی اقتصادی شونداری ءِ مون آ دیک و ہندی بندغ آتے بھلو روزگار انا وارخواہی اس فراوان کیک۔ آجو واپار و اقتصادی زون و ایکسپورٹ پراسیسنگ زون انا اڈتننگ درملکی زرکاری و ہندی بندغ آتے روزگار نا وارخواہی فراوان کیک۔

گوادر صوبہ بلوچستان کن کٹیا دوئی کننگ نا بھلا ذریعہ مریک۔ ایلو ماندہ پاکستان اوغانستانی و نیامی ایشیاآن سڑک و ریل گاڈی تون گنڈوک مننگ آن پد دا واپاری بنجاہ جوڑ مریک۔

اوپارے کہ نیامی ایشیائی ریاست و سینکیانگ و سیچو آن صوبہ غاتون درملکی واپار کننگ کن پاکستان نا آخبت اٹی گوادر ءِ شونداری تننگ نا ڈٹ ءِ۔

اوپارے کہ چاہ بہار بندرگاہ ایران و سیستان و بلوچستان نا مکران نا کرکی علاقہ ٹی واقع ءِ و ایرانی حکومت نا کنڈآن سرکاری وڑاٹ اودے آجو واپار و صنعتی زون گوندنگانے۔

ہندوستان دا بندرگاہ آ 131ملین ڈالر اسکان زرکاری کرینے۔ دا بے کچ رکھوک، وسط ایشیاو اوغانستان نا منڈی تسکان خڑک انگا کسر ءِ ۔

چاہ بہار نا بندرگاہ ٹی برتھ اٹی لس گڑا و بھلو کچ اسے ٹی گڑااتنگ اوار ءِ ۔ برتھ انا کچ 2000آن ہلیس 2500 ٹن اسکان ءِ۔ چاہ بہار شہید بہشتی گھاٹ انا مرغنی 600میٹر ءِ و داٹی 25000ٹن اسکان بحری جہاز و 11میٹر ڈراٹ اسہ وخت سلنگ کیرہ۔