صدر مملکت ممنون حسین ءِ رابطہ عالم اسلامی ءِ سیکرٹری جنرل ڈاکٹر محمد بن عبدالکریم ال عیسیٰ ءَ گوں گپ ءُُ تران

اسلام آباد(پاکستان نیوز پوائنٹ 23وری2016ء) صدر مملکت ممنون حسین ءَ گوشت کہ دگنیا ءَ ناشرکاری ءِ ھلاپ ءَ جنگ ءَ یکجا بوھگی اِنت، پاکستان ءَ جوانیں گامگیج آنی سبب ءَ ناشرکاری ءَ را گرپت ءُُ پنجگ کتگ، رابطہ عالم اسلامی ءَ را وت مہ وت تپاکی گیش آرگ ءِ ضلورت اِنت۔

آئی ءَ گوشت کہ دو شمبے ءِ روچ ءَ ایوان ءِ صدر ءَ رابطہ عالم اسلامی (مسلم ورلڈ لیگ) ءِ سیکرٹری جنرل ڈاکٹر محمد بن عبدالکریم ال عیسیٰ ءَ گوں گند ءُُ نند ءِ ساھت ءَ کُت اَنت۔

اے موہ ءَ بُنجاھی نیک راھی وزیر سردار محمد یوسف، سینیٹر علامہ ساجد میر ءُُ ایندگہ ٹوھیں کارندھ ساڑی اَتنت۔ صدر ءِ مملکت

ءَ گوشت کہ ناشرکاری ءَ پاکستان ءَ دُرستاں چہ گیش نکسان رستگ بلے جوانیں گامگیج آنی سبب ءَ پاکستان ءَ ایشی ءَ را باج بُرتگ۔

ناشرکاری پاکستان ءِ ایوک ءَ ناں بلکینگ ءَ سرجمیں بنی آدم آنی یکجاھی جیڈھ اِنت۔ ایشی ءَ را مرینگ او آئی سی ءَ ھوار توامیں ملک آناں ھواری ءَ گامگیج کنگی اِنت۔

آئی ءَ گوشت کہ ارچ ملک ءِ ناشرکاری ءِ آماچ بوتگ آھودے اُلس ءُُ بنیاتی کوکا ءِ برجائی کنگ ءِ ھاترا گامگیج کنگ لوٹیت، نوں وھد اتکگ کہ ناشرکاری ءَ را ترندی ءَ گوں دیم پہ دیم کنگ بہ بیت چیا کہ ناشرکاری ءِ سبب ءَ مسلمان آنی سرجمیں دُگنیا ءَ نام ءُُ دپ بوتگ اَنت۔