آڈیٹر جنرل صدر مملکت ءِ سالانہ رپورٹ ءِ پیش کرے آڈٹ کمامدارآک الس نا پیسہ غاتا منصفانہ کاریم اٹ ہتنگ و بے ضابطگی تے توننگ کن پوسکن ءُ ذریعہ کاریم اٹ اتیر، صدر مملکت

اسلام آباد(پاکستان پوائنٹ نیوز۔27 جولائی۔2016) صدر مملکت ممنون حسین آڈیٹر جنرل نا کارکڑد نا ستاءِ کرسا پارے کہ پین گچین نتیجہ غاتے کن آڈٹ نا نظام ءِ پین گچین جوڑ کننگ نا گرج ءِ۔

داخیال آتا درشانی ءِ او چارشنبے آ آڈیٹر جنرل آف پاکستان رانا اسد امین تون ایوان صدر اٹی ہیت وگپ نا وخت آ کرے۔

داوخت آ آڈیٹر جنرل صدر مملکت ءِ تینا سالانہ رپورٹ ءِ پیش کرے۔ صدر مملکت پارے کہ سرکاری بشخ آتیٹی فنڈانا شفافیت و احتساب نا منصفانہ نظام کن آڈٹ نا نظام اٹی گچینی المی ءِ۔

صدر مملکت آڈیٹر جنرل نا دفتر نا کارکڑد نا ستاءِ کرسا پارے کہ او ارب آ روپئی

نا وصولی ءِ کرینے ہرا خوش آئند ءِ۔

صدر مملکت پارے کہ آڈٹ رپورٹ آتیٹی بے ضابطگی تا پیداواری و اوڑآ کارروائی آن کرپشن نا لعنتءِ چٹفنگ مریک۔ صدر مملکت دااومیت نا ذکر ءِ کرے کہ آخبت اٹی آڈٹ نا نظام ءِ زیات گچین جوڑ کننگ، الس نا پیسہ غاتا منصفانہ کاریم اٹ ہتنگ و بے ضابطگی تے توننگ کن آڈٹ کمامدارآک پوسکن ءُ ذریعہ کاریم اٹ اتیر تانکہ کرپشن ءِ پوروی اٹ چٹفنگ مرے۔

آڈیٹرجنرل داوخت آ سالانہ رپورٹ نا نمان پلو آتا بارواٹی معلومدار کرے و پارے کہ دا چرجوئی ٹی میرٹ نا پالیسی آ سختی اٹ عملدرآمد جاری ءِ ہرانا گچین نتیجہ پیش تمنگ ءِ۔