وزیراعظم محمدنواز شریف آئینی و السی عدالت اٹی سرسہب مریک، خان صاحب ءِ اسہ وار ولدا شکست تون مون تروئی مریک،مسلم لیگ (ن) نا راہشون و باسک قومی اسمبلی طلال چوہدری نا میڈیا تون ہیت وگپ

اسلام آباد(پاکستان نیوز پوائنٹ 10جنوری2016ء) مسلم لیگ (ن) نا راہشون و باسک قومی اسمبلی طلال چوہدری پارینے کہ وزیراعظم محمد نواز شریف ءِ ہراہم عدالت اٹی خواہفنگے چائے او آئینی عدالت مرے یا السی عدالت مرے او سرسہب مریک، خان صاحب ءِ اسہ وار ولدا شکست تون مون تروئی مریک ، خان صاحب جلسہ و پریس کانفرنس آتیان کیس ثابت مفک، کیس شاہدی تیان مریک و نے تون بیرہ دروغ انا پلندہ ءِ ، دروغ آن بیرہ شرمندگی مریک۔

سے شنبے آ داڑے میڈیا تون ہیت وگپ کرسا اوپارے کہ پی ٹی آئی ہردے پوسکن ءُ کسہ اس اتیک بریک و ہروار اونا کسہ ترخک ولے اودے ہچ ءُ شرمندگی اس مفک۔

اوپارے کہ عدالت اٹی ہراتم عمران خان آن شاہدی خوائنگک تو وخت اس او پشاور اا کائک تو وخت اس بہاولپور آ کائک، وخت

اس مردان آ کائک تو وخت اس ملتان آ کائک، عدالت ءِ اونا دورہ غاتون ہچ ءُ کاریم اس اف ، عدالت شاہدی خوائک تو شاہدی تے اتے۔

جلسہ و پریس کانفرنس آتیان کیس ثابت مفک ، کیس شاہدی تیان مریک ، و عمران خان تون بیرہ دروغ انا پلندا ءِ و دروغ اٹ بیرہ شرمندگی مریک ۔

اوپارے کہ ہمہ ہمہ داکیس مون آ ہِننگ ءِ عمران خان نا دروشم آن اونا شکست صفا نظر بننگ ءِ، خان صاحب داسہ ہراتم نے تون ہچ ءُ شاہدی اس اف تو نی تینا بشخ انا بھاریم ءِ عدالت آانت اکن شاغسہ، اوپارے کہ میڈیا ءِ بایدے مرے کہ او پاناما کیس انا سماعت نا اولیکو دے و گڈسرنا دے تیٹی خان صاحب نا دروشم نا تاثر آتے ضرور نشان ایتے تانکہ خلقت ءِ ہم اونا دروشم نا بدلینگوک آ تاثر آن اونا شکست نا انداز ہ مرے۔