پاک چین اقتصادی راہداری ڈٹ آن معاشی شونداری نا پوسکن ءُ کسر ملنگک پاکستان کونسل چین نا ایگزیکٹو ڈائریکٹر فضل الرحمان نا احوالکار آتون ہیت وگپ
اسلام آباد(پاکستان نیوز پوائنٹ 05جنوری2016ء) پاکستان کونسل چین ناایگزیکٹو ڈائریکٹر ڈاکٹر فضل الرحمان پارینے کہ پاک چین اقتصادی راہداری ڈٹ آن معاشی شونداری نا پوسکن ءُ کسر ملنگک۔
احوالکار آتون ہیت وگپ کرسا اوپارے کہ پاک چین اقتصادی راہداری ڈٹ آتیٹی پاکستان نا ہر چار آصوبہ غاتا است خواہی و امنائی اٹ دا ہیت صفا مسنے کہ ہرچارآ صوبہ غاتا حکومت آک و الس یکجاءُ
و داڈٹ آن معاشی شونداری نا پوسکن ءُ کسر ملنگک ہراڑآن مچ آ ملک انا غٹ علاقہ غاتیٹی معاشی شونہالی بریک۔
اوپارے کہ چینی معیشت دنیا ٹی ارٹ میکو بھلامعیشت ءِ و ہنداخاطران روس، ترکی ، ایران و گڑاس ایلو ملک آک ہم داڈٹ اٹی است خواہی نا درشانی ءِ کرینے ڈاکٹر فضل پارے کہ سی پیک نا برجاشونداری ڈٹ آتیٹی درملکی زرکاری پاکستان نا سرسہبی تا ضمانت ءِ ۔